Daniyide bir Uyghur yash qamaqxanida qaza qildi
2005.12.29
Daniye saqchi da'iriliri, daniyige qanunsiz kirgen burhan zunun isimlik bir Uyghur yashning padiburg shehiridiki tutup turush merkizide özini ésip öltürüwalghanliqini bildürdi.
Merkizi gérmaniyidiki dunya Uyghur qurultiyi mes'ulliridin igilishimizche, daniye saqchi da'iriliri burhan zununning 25-dékabir küni tutup turush merkizide özini ésiwalghanliqini bayqap uni doxturxanigha élip barghanliqini, lékin doxturlarning qutquzush tirishchanliqi netije bermey, 29-dékabir küni qaza qilghanliqini bildürgen .
Xewrlerge qarighanda, daniye saqchiliri, burhan zunun'gha, daniyige qanunsiz kirgenliki üchün xitaygha qayturidighanliqini uqturush qilghan iken.
Burhan zununning paji'elik aqiwiti chet'ellerdiki Uyghurlarni chongqur qayghugha chömdürdi . Herqaysi döletlerde pa'aliyet élip bériwatqan Uyghur teshkilatliri daniye hökümitige naraziliq bildürüsh üchün teyyarlanmaqta. (Qanat)