Xitay, pakistan Uyghur élide birleshme herbiy manwér ötküzdi
2004.08.04
Xitay bilen pakistan charshenbe küni Uyghur élining tashqurghan tajik aptonom nahiyiside térrorizmgha qarshi birleshme herbiy manwér ötküzdi.
Fransiye axbarat agéntliqining xewirige qarighanda, bu manéwir 3 kün dawam qilidighan bolup, xitay da'iriliri bu qétimliq manéwirning bu rayonning bixeterliki we muqimliqini saqlash meqsitide élip bérilghanliqini melum qildi. Bu xitay bilen pakistanning tunji qétim térrorizmgha qarshi birleshme manéwir ötküzüshi bolup hésablinidu.
Pakistanning xitayda turushluq bash elchisi bu qétimliq manéwir arqiliq, ikki döletning térrorizmgha zerbe bérish sahesidiki hemkarliqini ilgiri sürüshni isteydighanliqini melum qilghan. Emma u manéwirgha ikki dölettin qanchilik esker qatnishidighanliqi toghrisida birnéme déyishni ret qilghan. (Peride)