Қәшқәрдин пакистанға аптобус қатниши йолға қоюлмақчи


2006.05.23
Share on WhatsApp
Share on WhatsApp

Хитай вә пакистан, икки дөләт оттурисидики мунасивәтләрни тәрәққи қилдуруп, сода вә тиҗарәтни техиму илгири сүрүш үчүн келәр айдин башлап, икки дөләт оттурисидики чегра еғизини аптобус хизмитигә ачидикән.

Пакистан қатнаш министири шамим сидиқойниң билдүрүшичә, хитай вә пакистан қатнаш министирлиқи хадимлири оттурисида имзаланған келишимгә асасән, 15‏- июн күнидин башлап, қәшқәр шәһиридин пакистанниң гилгит шәһиригә һәр күни һәмдә ташқурған наһийисидин пакистанниң сост шәһиригә һәптидә үч қетим аптобус қатнайдикән.

Униң ейтишичә, пакистан билән хитай оттурисида күнлүк аптобус қатнишиниң башланғанлиқи, икки дөләт хәлқи оттурисидики мунасивәтләрни техиму йеқинлаштуруштин сиирт, сода вә тиҗарәтниң ронақ тепишиға һәссә қошидикән.

Пакистан қатнаш министири, қарақурум таш йолиниң өткән йили пакистанда йүз бәргән йәр тәврәш вәқәсидә зиянға учриған қисмини қайтидин ясаш үчүн хитай һөкүмити350 милйон доллар пул аҗратқан.

Икки иттипақдаш дөләт һесабланған хитай билән пакистан оттурисида сода вә енергийә саһәсидә мәвҗут һәмкарлиқ күнсери тәрәққи қиливатқан болуп, пакистан һелиму хитайдин әң көп қорал експорт қилидиған дөләт һесаблиниду. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.