Kanada hökümiti Uyghur sérkchilerning siyasi panaliqini qobul qildi

Kanadadin siyasi panaliq tiligen Uyghur aptonom rayonluq sérk ömikidiki 7 neper artisning kanada köchmenler idarisi we sot mehkimisi teripidin uyushturulghan sotda siyasiy panaliqi qobul qilinip, ular kanadada menggülük olturaqlishish hoquqigha érishti. Uyghur sérkchilerning soti peyshenbe küni échilghan bolup, sot mehkimisi ularning kanadada qélish telipini orunluq dep höküm chiqarghan. Sot mehkimisining qarari kanadada siyasiy panaliq tilesh resmiyitining axirqi basquchi hisaplinidu.

Uyghur sérkchiler bu yil 1 ـ ayning otturiliri xitayning chaghan bayrimi munasiwiti bilen kanadada oyun körsitishke ewetilgen bolup, ular bu yerde yurtigha qaytishni ret qilip, kanada hökümitidin siyasi panaliq tiligen. Bu weqe xitay da'irilirini nahayiti ongaysiz ehwalgha chüshürüp qoyghan idi.

Xitay hökümiti weqeni Uyghur sérikchiler yaman niyetlik kishiler teripidin aldap kétildi, dep chüshendürgen. Ottawadiki xitay elchixanisi kanada hökümitidin sérikchilerni qayturup bérishni telep qilghan. Bu jeryanda mezkur weqe dunya axbarat wastiliridiki chong xewerge aylan'ghan. Sérikchilerning nime üchün siyasi panaliq tiligenliki munazire qozghap, Uyghur rayonidiki bir qatar ijtima'iy mesililer otturigha chiqqan idi. (Erkin)