Uyghur élide yüz bergen partlashlarda 14 kishi öldi


2005.01.20

Peyshenbe küni Uyghur élide yüz bergen ikki qétimliq partlash weqeside az digende 14 adem öldi.

Maytagh bilen shixu otturisida bir minibus yüz bergen birinchi partlashta 12 kishi ölgen. Roytris agéntliqining xewer qilishiche, partlash peyshenbe küni chüshtin kéyin sa'et 1:30 da maytagh bilen shixu otturisidiki "toqquz chaqirim" dégen jayda yüz bergen bolup, partlashning sewebi téxi éniq emes iken.

Xewerde éytilishiche, sekkiz kishi neq meydanda, töt kishi doxturxanida qaza tapqan. Xewerlerge qarighanda, ölgenlerning asasliq qismi Uyghurlar iken.

Ikkinchi partlash ürümchining senshixangza rayonidiki awat bazarda yüz bergen . Bu jayda asasliqi Uyghurlar we tungganlar tijaret qilidu. Weqe yüz bergendin kéyin saqchilar neq neydanni qamal qilghan. B b s radi'o téléwiziye shirkitining xewer qilishiche, saqchilar weqeni gaz tungining partlap kétishidin kélip chiqqan dep jakarlighan.(Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.