Ürümchi saqchi da'irliri partlash weqesi gumandarini tutushqa on ming yü'en hediye élan qildi


2006.12.17
Share on WhatsApp
Share on WhatsApp

Ürümchi qanun toridin ashkarilinishiche, 17 - dékabir küni ürümchi saqchi da'irliri, ürümchide jüme küni birinchi xelq doxturxanisi aldida yüz bergen bomba partlash weqesini keltürüp chiqarghan gumandar heqqide uchur bergüchilerge on ming yü'en söyünche bérilidighanliqini élan qildi.

15 - Dékabir yüz bergen mezkur bomba partilash weqeside az dégende 2 adem yarilan'ghan idi. Bezi weqe shahidlirining saqchilargha teswirlep bérishiche, partilash yüz bergendin kéyinla külreng pey chapan kiygen, boyining igizliki bir métir 75 santa kélidighan, oruqraq, aq yüzlük bir yash alaqzadilik bilen partilash yüz bergen doxturxana ishikidin chiqip, téz kétip qalghan.

Weqe shahidliri gerche bu gumandarning 25 yashlar etrapidiki bir er ikenlikini ilgiri sürgen bolsimu, lékin bu yashning qaysi millettin ikenlikini tilgha almighan.

Ürümchi aqchi da'irliri, partilash weqesi heqqide dawamliq tekshürüsh élip bériwatqanliqini, deslepki qedemde bombining qolda yasalghanliqining éniq ikenliki, emma weqening doxturxanigha bolghan naraziliqtin bolghan öch élish xaraktérlik partilitish bolishi mümkinlikini qiyas qiliwatqan bolsimu, buning térrorluq weqesi ikenlikinimu téxi inkar qilmaydighanliqini otturgha qoymaqta. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.