Maytaghdiki partlash weqesi kishiler teripidin pilanlan'ghan

Xitay jama'et xewpsizlik da'iriliri maytagh bilen shixu otturisida yüz bergen minibustiki partlash weqesining kishiler teripidin élip bérilghanliqini élan qildi.

Aptonom rayonluq jama'et xewpsizlik nazaritining naziri lyu yawxu'a, partlashning kishiler teripidin élip bérilghanliqini ashkarlighan. Biraq u, partlatquch dorining xaraktiri we partlashning sewebi téxi éniqlanmighanliqini bildürgen.

Sherqiy türkistan uchur merkizi, partlashning qurban héyt harpisigha toghra kelgenlikini ilgiri sürüp, partlash weqesini "suyiqest", dep eyibligen idi. Lyu yawxu'a jüme küni ürümchidiki xitay metbu'atlirigha partlash weqesi heqqide melumat bérip, partlash weqeside ölgen ikki kishining salahiyiti éniqlan'ghanliqini jakarlighan. Lyu yawxu'aning bildürüshiche, salahiyiti éniqlan'ghan ikki kishining biri xitay yene bir qazaq iken. Lyu yawxu'a Uyghurlarni tilgha almighan.

En'giliye radi'o - téléwiziye shirkiti b b s, partlash weqeside ölgenlerning mutleq köp qisimi Uyghurlar ikenlikini ilgiri sürgen.

Sherqiy türkistan uchur merkizi, minibustiki yoluchilar shixu etrapidiki bir mazarni yoqlap qaytiwatqan maytaghliq Uyghurlar, dep körsetken. Dunya Uyghur qurultiyining bayanatchisi dilshat rishit, lyu yawxu'aning weqede ölgenler ichidin aldi bilen bir xitay bilen bir qazaqning salahiyiti éniqlap chiqqanliqi kishini te'ejjüplendüridu, dep eskertti. Weqe yüz bergende minibustiki 19 kishining 12 si ölgen. (Erkin)