Қәшқәр шәһәрлик җамаәт хәвпсизлик идариси аһалиләрниң паспортини мәҗбурий тартивалған


2006-12-07
Share

Қәшқәр шәһәрлик җамаәт хәвпсизлик идарисиниң хадимлири йеқинда, қәшқәр шәһәр аһалисиниң өйлиригә бирму - бир кирип, кишиләрниң наразилиқ билдүрүшигә қаримай, уларниң паспортини мәҗбурий һалда йиғивалған.

Истансимизға бивастә кәлгән инкасларға қариғанда, қәшқәр шәһәрлик җамаәт хәвпсизлик идариси кишиләрниң паспортини мәҗбурий йиғивилиш билән биргә, уларниң башқа әлләргә чиқиш үчүн, өзлиридин алдинала рухсәт елиши керәкликини вә қайси дөләткә бериш һәққидики илтимаси шуниңдәк шу дөләттин кәлгән чақириқ қәғәзлирини тапшуруп, уларниң рухситини алғандин кейин, паспорти қайтурулуп берилидиғанлиқини билдүргән.

Хитай даирилириниң чегридин чиқиш - кириш түзүми, хитайдин башқа милләтләргә болупму уйғурларға интайин қаттиқ болуп, адәттә хитай өлкилиридә паспорт елиш үчүн илтимас қилғучиларға берилгән шәрттә, өзлири турушлуқ идарә вә яки аһалә комитетиниң тонуштуруш қәғизи вә кимлик гуваһнамиси болсила купайә қилидикән. Әмма һөкүмәт уйғурларниң паспорт елишини контрол қилип бәлгилик чәклимә даирисидә паспорт тарқатмақта .

Көзәткүчиләрниң билдүрүшичә, хитай даирилири йәнә, чәтәлләрдә паалийәт елип барғучиларниң аилә - тавабатлириниң паспорт елиш һоқуқини елип ташлиғандин сирт , башқа дөләтниң пуқралиқ салаһийитигә игә болған уйғурларниң кишилик һоқуқиғиму дәхли тәрүз йәткүзмәктә. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт