Уйғур илидики пахтиларни ким үзиду ?


2004-09-05
Share

Пахта үзүш пәслиниң йетип келишигә әгишип, уйғур аптоном районихитай ялланма аққунлар еқиминиң һуҗумиға учриди.

Бу йил ишләпчиқириш қурулуш армийисиниң шихәнзидики пахтизарлиқи 150 миң хитай аққунни ялливелип пахта теришкә салиду . Хитай мәтбуатлириниң хәвәр қилишичә , ишләпчиқириш - қурулуш армийисиниң шихәнзидики һәр қайси полк вә деһқанчилиқ мәйданлири , һазирғичә ичкиридин 120 миң аққуни пахта теришкә ялливалған . Һазир һәр күни дегүдәк аққунларни мәхсус пойиз билән ичкиридин шихәнзигә тошимақта . Аққунларниң көпчилики хенәнликләр болуп , ишләпчиқириш - қурулуш биңтуәнидики даириләр бир қанчә айниң алдида хенәнгә берип , хенәндики наһийиләр билән әмгәк тохтими түзгән . Биңтуәндики әмгәк вә параванлиқ ишлириға мәсул даириләрниң билдүрүшичә , аққунларниниң ятақ , тамақ , мааш вә параванлиқ ишлири бир туташ орунлаштурилиду .

Күзәткүчиләр , биңтуән даирилириниң ялланма әмгәк күчлирини уйғур аптоном райониниң җәнубидики ишсиз уйғур деһқанлардин әмәс , бәлки шихәнзигә техиму йирақ болған хенәндин ялливалғанлиқи айдиңлаштурғучи рол ойнайду дәп баһа бәрмәктә . Биңтуән даирилири алдинқи йили җәнубтики бир қисим уйғур деһқанларни пахта үзүшкә ялливалған , бирақ уйғур деһқанларға тутқан кишилик муамилә , иш һәққи , йетип - қопуш вә йемәк ـ ичмәктә ихтилап келип чиқип , бәзи деһқанларниң ишини ташлап кетишигә сәвәбкар болған . Шихәнзигә барған деһқанлар әйни чағда радиомизға телефон қилип , даириләрниниң хитай аққунлириға уйғурлардин көп мааш бериш , уйғурларға маашни вақтида бәрмәслик ,һәр хил сәвәбләрни бана қилип маашини тутуп қелишдәк һәрикәтлирини әйиблигән иди . (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт