Пахта тәргүчиләр уйғур елидә 1 милярд 600 милйон сом пул тапти


2005-12-19
Share

Тәңритағ тор бетиниң 19 - дикабир күни бәргән хәвиригә асасланғанда, бу йил уйғур елиниң пахта омуми мәһсулати 1 милйон 900 миң тонниға йетиши мөлчәрләнгән болуп, бу пүтүн хитай пахта омуми мәһсулатиниң үчтин бирини, дуня пахта омуми мәһсулатиниң тоққуздин бирини игиләйдикән.

Пахта баһасиниң өзлүксиз өрлишигә әгишип, пахта териш һәққиму тәдриҗий өрлигән. Мөлчәрлинишичә, бу йил пүтүн уйғур елидә 1 милйон пахта тәргүчи пахта териш қошуниға қатнашқан болуп, улар қисқиғинә икки айда 1 милярд 600 милйон сом кирим қилған.

Уйғурларниң билдүрүшичә, бу киримниң асаслиқ қисими һәр йили пахта териш мәзгилидә, хитайниң ичкири өлкилиридин пахта териш үчүн уйғур елиға келидиған хитай пәсиллик ишчилириниң янчуқиға киридикән.

Аптоном районлуқ һөкүмәт пахта теришта ишләш үчүн уйғур елиға келидиған хитай пәсиллик ишчилириниң иш һәқлириниң хитай ишчилириға вақтида төлиниши үчүн алаһидә көңүл бөлидикән. Әмма пахта териш ишида ишләш пурстигә еришәлигән уйғурлар иш һәққини елишта нурғун қийинчилиқларға дуч келидикән. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт