Чуңчиң шәһири бу йил 9 - айда 50 миң ишчини уйғур аптоном райониға пахта үзүшкә әвәтиду
2006.08.04
Чуңчиң шәһири бу йил 9 - айда 50 миң ишчини уйғур аптоном райониға пахта үзүшкә әвәтиш үчүн тәйярланмақта.
Чуңчиң шәһәрлик әмгәк күчи ишханисиниң хитай мәтбуатлириға ашкарилишичә, чуңчиң шәһири бу йил 7 - айда уйғур аптоном райониға адәм әвәтип, бу йәрдики диһқанчилиқ мәйданлири билән бу тоғрисида келишим имзалиған.
Тунҗи түркүмдики ялланма ишчилар 8 - айниң 20 - күни чуңчиңдин уйғур аптоном райониниң шималидики пахтизарларға, 2 түркүмдикиләр 9 - айниң 10 - күни җәнубтики пахтизарларға қарап йолға чиқмақчи. Чуңчиң шәһәрлик әмгәк күчи ишханисиниң мәсули җаң дешяңниң ашкарилишичә, чуңчиңлиқ ялланма ишчилар өткән йили районда пахта үзүп 2 - 3 ай ичидә 1700 йүәндин сап кирим қилған.
Көзәткүчиләрниң әскәртишичә, бу уйғур диһқанлириниң бир йиллиқ киримидинму көп икән. Хитай даирилири йеқинқи йиллардин бери ичкиридин ялланма әмгәк күчлирини йөткәп келип уйғур аптоном районида пахта үзүшкә салмақта.
Улар һазирғичә немә үчүн райондики йәрлик диһқанларни пахта үзүшкә яллимай, ичкиридин әмгәк күчи яллап ишлитиватқанлиқини чүшәндүрүп бақмиди. Көзәткүчиләр, уйғур диһқанлириниң бу пәсилдә һашарға ишләйдиғанлиқини билдүрмәктә. Өткән йили чуңчиңдин 20 миң ялланма ишчи районға келип пахта үзгән. Хитай мәтбуатлири уйғур аптоном райониниң йилиға пахта үзүдиған 500 миң ишчиға еһтияҗлиқ икәнликини билдүрмәктә.(Әркин)
Мунасивәтлик мақалилар
- Уйғурелида пахтиниң бесилип қелиш әһвали еғир болмақта
- Пахта тәргүчиләр уйғур елидә 1 милярд 600 милйон сом пул тапти
- Уйғур елидики 100 миңдәк оқуғучилар пахта теришқа орунлаштурулди
- Бу йил хенәндин 213 миң киши уйғур елигә пахта теришқа кәлмәкчи
- Уйғур елиниң җәнубидики бир қисим районларда мөлдүр йеғип кәтти