Chungching shehiri bu yil 9 - ayda 50 ming ishchini Uyghur aptonom rayonigha paxta üzüshke ewetidu


2006-08-04
Share

Chungching shehiri bu yil 9 - ayda 50 ming ishchini Uyghur aptonom rayonigha paxta üzüshke ewetish üchün teyyarlanmaqta.

Chungching sheherlik emgek küchi ishxanisining xitay metbu'atlirigha ashkarilishiche, chungching shehiri bu yil 7 - ayda Uyghur aptonom rayonigha adem ewetip, bu yerdiki dihqanchiliq meydanliri bilen bu toghrisida kélishim imzalighan.

Tunji türkümdiki yallanma ishchilar 8 - ayning 20 - küni chungchingdin Uyghur aptonom rayonining shimalidiki paxtizarlargha, 2 türkümdikiler 9 - ayning 10 - küni jenubtiki paxtizarlargha qarap yolgha chiqmaqchi. Chungching sheherlik emgek küchi ishxanisining mes'uli jang déshyangning ashkarilishiche, chungchingliq yallanma ishchilar ötken yili rayonda paxta üzüp 2 - 3 ay ichide 1700 yüendin sap kirim qilghan.

Közetküchilerning eskertishiche, bu Uyghur dihqanlirining bir yilliq kirimidinmu köp iken. Xitay da'iriliri yéqinqi yillardin béri ichkiridin yallanma emgek küchlirini yötkep kélip Uyghur aptonom rayonida paxta üzüshke salmaqta.

Ular hazirghiche néme üchün rayondiki yerlik dihqanlarni paxta üzüshke yallimay, ichkiridin emgek küchi yallap ishlitiwatqanliqini chüshendürüp baqmidi. Közetküchiler, Uyghur dihqanlirining bu pesilde hashargha ishleydighanliqini bildürmekte. Ötken yili chungchingdin 20 ming yallanma ishchi rayon'gha kélip paxta üzgen. Xitay metbu'atliri Uyghur aptonom rayonining yiligha paxta üzüdighan 500 ming ishchigha éhtiyajliq ikenlikini bildürmekte.(Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet