Бу йил уйғур елиниң пахта мәһсулати әң йеңи рикорд яратти


2006-10-10
Share

Хитай даирилири тәрипидин берилгән хәвәрдин мәлум болушичә, бу йил уйғур елиниң пахта мәһсулати хитай буйичә әң йеңи рикорт яратқан икән. Йәни бу йил уйғур елидә һәр бир му йәрдин 90 килодин артуқ пахта йиғивилинған.

Хәвәрдә ейтилишичә, бу йил уйғур районида пахта терилған йәрниң өзи 5 милйон 400 миң модин артуқ болуп, бу омумй терилғу йәрниң 70 % ни игилигән. Хитай даирилири тәрипидин берилгән бу хәвәрдә" бу йил уйғур елидики пахта мәһсулатиниң бундақ көп болушидики сәвәб пән техника вә йеза игилик техникисиниң йеңиланғанлиқидин, шундақла ток, су мәнбәлириниң яхши йетилдүрүлгәнликидин" дәп көрситилгән.

Уйғур елидин берилгән хәвәрләрдин мәлум болушичә, бу йил хитай өлкилиридин уйғур елигә келип пахта тәргүчиләр илгирики йиллардикидин нәччә һәссә көпәйгән болуп , пәқәт биңтуәнгә пахта тәргили кәлгәнләрниң санила 300 миңдин ешип кәткән шундақла хитай өлкилиридин келиватқан бу деһқанлар қисқиғина 2 ай ичидә 5 ‏- 6 миң йүән һәтта 7 миң йүәнләп кирим қилған.

Радиомизниң һәқсиз телефон ленийисигә кәлгән хәвәрләрдин мәлум болушичә, уйғур елиниң җәнубий районидики деһқанлар биңтуән районлириға берип мәҗбурий пахта териш әмгикигә қатнашқан, лекин уларниң кирими хитай деһқанлириниңкигә селиштурғанда пәрқлиқ һалда төвән болған. (Меһрибан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт