Bu yil Uyghur élining paxta mehsulati eng yéngi rikord yaratti


2006-10-10
Share

Xitay da'iriliri teripidin bérilgen xewerdin melum bolushiche, bu yil Uyghur élining paxta mehsulati xitay buyiche eng yéngi rikort yaratqan iken. Yeni bu yil Uyghur élide her bir mu yerdin 90 kilodin artuq paxta yighiwilin'ghan.

Xewerde éytilishiche, bu yil Uyghur rayonida paxta térilghan yerning özi 5 milyon 400 ming modin artuq bolup, bu omumy térilghu yerning 70 % ni igiligen. Xitay da'iriliri teripidin bérilgen bu xewerde" bu yil Uyghur élidiki paxta mehsulatining bundaq köp bolushidiki seweb pen téxnika we yéza igilik téxnikisining yéngilan'ghanliqidin, shundaqla tok, su menbelirining yaxshi yétildürülgenlikidin" dep körsitilgen.

Uyghur élidin bérilgen xewerlerdin melum bolushiche, bu yil xitay ölkiliridin Uyghur élige kélip paxta tergüchiler ilgiriki yillardikidin nechche hesse köpeygen bolup , peqet bingtu'en'ge paxta tergili kelgenlerning sanila 300 mingdin éship ketken shundaqla xitay ölkiliridin kéliwatqan bu déhqanlar qisqighina 2 ay ichide 5 ‏- 6 ming yüen hetta 7 ming yüenlep kirim qilghan.

Radi'omizning heqsiz téléfon léniyisige kelgen xewerlerdin melum bolushiche, Uyghur élining jenubiy rayonidiki déhqanlar bingtu'en rayonlirigha bérip mejburiy paxta térish emgikige qatnashqan, lékin ularning kirimi xitay déhqanliriningkige sélishturghanda perqliq halda töwen bolghan. (Méhriban)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet