Uyghur élidiki paxta kimler üchün payda élip kéliwatidu ?

• 
  2006-11-02

Xitay xewer agéntliqining peyshenbe küni bergen xewiridin ashkarilinishiche, Uyghur élining bu yilqi paxta mehsulati 2 milyon 180 ming tonnigha yetken.

Xitay Uyghur élini özining paxta bazisi qilip qurup, köplep paydigha érishkendin sirt, xitay ölkiliridiki xitaylarning béyishigha alahide yol échip bermekte.

Tengritagh torining bir qanche kün ilgiri bergen xewirige asaslan'ghanda, xitaydin kelgen paxta tergüchiler Uyghur élidin 1 milyard 500 milyon yüenni élip ketken. Statistikiliq melumatlargha qarighanda , bu yil Uyghur élige paxta tergili kelgenler 750 mingdin ashqan.

Xitay hökümiti, turmush qéyinchiliqi pewqul'adde éghir bolghan Uyghur déhqanlirini paxta térish emgikige salmay, xitay ölkiliridin alahide emgek küchi teklip qilip, ularning kira we yimek - ichmek , turalghu jaylirini orunlashturush bilen birge, alahide yuqiri emgek heqqi teyinlep, Uyghur déhqanliri bir yilda tapalmighan kirimni, xitay ishlemchilirining 2 ay ichide tépishigha shara'it hazirlap bergen. Bu ehwal nöwette , chet'ellerdiki xitay hökümitige qarshi Uyghur teshkilatlirining küchlük naraziliqini qozghimaqta. (Eqide)