Уйғур елидики пахта кимләр үчүн пайда елип келиватиду ?


2006.11.02
Share on WhatsApp
Share on WhatsApp

Хитай хәвәр агентлиқиниң пәйшәнбә күни бәргән хәвиридин ашкарилинишичә, уйғур елиниң бу йилқи пахта мәһсулати 2 милйон 180 миң тонниға йәткән.

Хитай уйғур елини өзиниң пахта базиси қилип қуруп, көпләп пайдиға еришкәндин сирт, хитай өлкилиридики хитайларниң бейишиға алаһидә йол ечип бәрмәктә.

Тәңритағ ториниң бир қанчә күн илгири бәргән хәвиригә асасланғанда, хитайдин кәлгән пахта тәргүчиләр уйғур елидин 1 милярд 500 милйон йүәнни елип кәткән. Статистикилиқ мәлуматларға қариғанда , бу йил уйғур елигә пахта тәргили кәлгәнләр 750 миңдин ашқан.

Хитай һөкүмити, турмуш қейинчилиқи пәвқуладдә еғир болған уйғур деһқанлирини пахта териш әмгикигә салмай, хитай өлкилиридин алаһидә әмгәк күчи тәклип қилип, уларниң кира вә йимәк - ичмәк , туралғу җайлирини орунлаштуруш билән биргә, алаһидә юқири әмгәк һәққи тәйинләп, уйғур деһқанлири бир йилда тапалмиған киримни, хитай ишләмчилириниң 2 ай ичидә тепишиға шараит һазирлап бәргән. Бу әһвал нөвәттә , чәтәлләрдики хитай һөкүмитигә қарши уйғур тәшкилатлириниң күчлүк наразилиқини қозғимақта. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.