Уйғур елидә пахта мәһсулати омумий ишләпчиқириш қиммитиниң 45% ни игилигән


2006.11.21
Share on WhatsApp
Share on WhatsApp

Йеқинқи йиллардин буян, уйғур елидики пахта мәһсулати йилдин - йилға өрлимәктә һәмдә ишләпчиқирилған пахта сортиму барғансери көпәймәктә. Мунасивәтлик хәвәрләрдин мәлум болушичә, 2000 ‏- йилидин буян уйғур елидики 20 дин артуқ уруқ базисиға салған мәбләғ 500 милйон йүәндин ашқан болуп, алий сортлуқ пахта терийдиған етизлиқ 200 миң модин ашқан.

Мәлуматларда көрситилишичә, һазир уйғур елидә ишләпчиқириливатқан пахта мәһсулати омумий ишләпчиқириш қиммитиниң 45% ни игилигән болуп, деһқанлар кириминиң 30% кә йени пахтидин келидикән.

Уйғур елидин берилгән бу һәқтики хәвәрдә ейтилишичә, һазир уйғур елидә ишләпчиқирилған пахта бирлик мәһсулати оттура һесабта мәмликәт ичидики пахта ишләпчиқириш бирлик мәһсулатидин 42% ешип кәткән һәмдә дунядики пахта ишләпчиқириш бирлик мәһсулатидин 1 йерим һәссигә йеқин юқири болған.

Радиомизниң игилигән хәвәрлиридин мәлум болушичә, йеқинқи йиллардин буян, хитай өлкилиридин уйғур елигә келип пахта терип бейип кетиватқан хитай мәдикарлириниң сани барғансери көпәйгән болуп, бу йил 2 милйон хитай ишләмчи уйғур елигә келип пахта тәргән. Уйғур деһқанлири болса һәр йили пахта териш мәзгилиниң йетип келиши билән, ишләпчиқириш қурулуш армийисиниң кевәзликлиригә әвәтилип, төвән һәқ билән пахта териш әмгикигә қатнишишқа мәҗбур болмақта. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.