Uyghur élide paxta mehsulati omumiy ishlepchiqirish qimmitining 45% ni igiligen

Yéqinqi yillardin buyan, Uyghur élidiki paxta mehsulati yildin - yilgha örlimekte hemde ishlepchiqirilghan paxta sortimu barghanséri köpeymekte. Munasiwetlik xewerlerdin melum bolushiche, 2000 ‏- yilidin buyan Uyghur élidiki 20 din artuq uruq bazisigha salghan meblegh 500 milyon yü'endin ashqan bolup, aliy sortluq paxta tériydighan étizliq 200 ming modin ashqan.

Melumatlarda körsitilishiche, hazir Uyghur élide ishlepchiqiriliwatqan paxta mehsulati omumiy ishlepchiqirish qimmitining 45% ni igiligen bolup, déhqanlar kirimining 30% ke yéni paxtidin kélidiken.

Uyghur élidin bérilgen bu heqtiki xewerde éytilishiche, hazir Uyghur élide ishlepchiqirilghan paxta birlik mehsulati ottura hésabta memliket ichidiki paxta ishlepchiqirish birlik mehsulatidin 42% éship ketken hemde dunyadiki paxta ishlepchiqirish birlik mehsulatidin 1 yérim hessige yéqin yuqiri bolghan.

Radi'omizning igiligen xewerliridin melum bolushiche, yéqinqi yillardin buyan, xitay ölkiliridin Uyghur élige kélip paxta térip béyip kétiwatqan xitay medikarlirining sani barghanséri köpeygen bolup, bu yil 2 milyon xitay ishlemchi Uyghur élige kélip paxta tergen. Uyghur déhqanliri bolsa her yili paxta térish mezgilining yétip kélishi bilen, ishlepchiqirish qurulush armiyisining kéwezliklirige ewetilip, töwen heq bilen paxta térish emgikige qatnishishqa mejbur bolmaqta. (Méhriban)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar