Apetke uchrighuchilarni qutquzushmu yaki "shinjang" gha yardem bérishmu?


2006-08-24
Share

100 Ming kishilik chongchingliqni Uyghur aptonom rayonida paxta üzüshke teshkillesh pilani esli bu dihqanlarni bu yil yazda chongchingda yüz bergen éghir qurghaqchiliq apitidin qutquzush herikiti ikenliki melum boldi.

Roytérs axbarat agéntliqining xewer qilishiche, chongchingda yüz bergen éghir qurghaqchiliq xitay da'irilirining térilghu yerliridin hosul alalmighan 100 ming kishilik déhqanni Uyghur aptonom rayonigha élip chiqip paxta üzüshke teshkilleshke sewebchi bolghan.

Xitay hökümiti chongchingliq paxta üzgüchilerni ürümchige élip bérish üchün 8 - ayning 19 - künidin bashlap 26 poyizni seperwer qildi. Bu yil gherbiy jenubiy junggoda yéqinqi 50 yildin béri körülüp baqmighan éghir qurghaqchiliq apiti yüz bérip, 5 milyon tonna bughday az hosul alghan,2 milyon géktar térilghu yer ziyan'gha uchrighan we chongchingda dihqanlar térilghudin 1 milyard dollar ziyan tartqan.

Bezi mutexessisler, chongchingdiki qurghaqchiliqqa bu yil 3 - ayda chongchingda yüz bergen mitan gazi chiqip kétish weqesi sewebchi bolghan bolushi mumkin, dep perez qilishmaqta. Shu qétimqi weqede 5000 adem tarqaqlashturulghan. Chongchingliqlar rayonda 2 ay paxta üzse 2000 yüen tapawet qilidiken. Bu Uyghur déhqanlarning yilliq tapawétidin az dégende 2 hesse köp. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet