Пәйзиват деһқанлири наһийилик һөкүмәт бинаси алдиға топланди


2008-04-01
Share

4‏ - Айниң 1‏ - күни, уйғур елидики тор бәтләрдә чиққан хәвәрләргә қариғанда, бүгүн пәйзиват наһийисиниң қошават йезисидики деһқанлар йезилиқ һөкүмәт үстидин шикайәт қилип, наһийилик һөкүмәт бинасиниң алдиға йиғилған.

Қошават йезилиқ һөкүмәт деһқанларни намратлиқтин қутулдуруш үчүн бир нәччә йил илгири йеза тәвәсидики бош йәргә 40 йүрүш өй, қотан салдуруп 40 аилилик деһқанни орунлаштурған һәмдә 15 мо дин йәр бәргән. Деһқанлар икки йил һөкүмәтниң орунлаштуруши буйичә бу йәрләргә қонақ, бедә териған болсиму яхши кирим қилалмиған.

Һөкүмәт йәнә, һәр бир аилигә 500 чүҗә бақтурған. Техникилиқ йетәкләш яхши болмиғачқа һәм чүҗиләргә вақтида ваксина урулмиғачқа чүҗиләрниң көпинчиси өлүп кәткән. Бу йил йәр келишкәндә һөкүмәт йәнә деһқанларни 5 тин кала, 50 дин қой елип беқишқа, уларниң йәм ‏ - хәшики үчүн бедә вә суляв йепип қонақ теришқа буйриған.

Бу йезиниң секритари деһқанлар башқа зираәт териса мәҗбурий буздуруветишни буйриған. Бу бир қатар әмәлийәткә уйғун болмиған ишлар деһқанларниң каллисидин өтмәй бүгүн йәни20 нәччә деһқан наһийилик һөкүмәткә келип өзлириниң һалини ейтқан. Әпсуслинарлиқи пәйзиват наһийисиниң секритариму йезилиқ һөкүмәтниң қарари тоғра дәп қарап деһқанларни қайтурувәткән.

Уйғур тор бәтлиридә шундақла, бундақ ишлар бәлким башқа җайлардиму болуши мумкин. Әгәр мушундақ 70‏ - йиллардикидәк әмәлийәткә уйғун болмиған сиясәтләр йүргүзиливәрсә уйғур деһқанлири мәңгү һаллиқ сәвийигә йитәлмәслики мумкин, дейилгән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт