Peyziwat déhqanliri nahiyilik hökümet binasi aldigha toplandi


2008-04-01
Share

4‏ - Ayning 1‏ - küni, Uyghur élidiki tor betlerde chiqqan xewerlerge qarighanda, bügün peyziwat nahiyisining qosh'awat yézisidiki déhqanlar yéziliq hökümet üstidin shikayet qilip, nahiyilik hökümet binasining aldigha yighilghan.

Qosh'awat yéziliq hökümet déhqanlarni namratliqtin qutuldurush üchün bir nechche yil ilgiri yéza tewesidiki bosh yerge 40 yürüsh öy, qotan saldurup 40 a'ililik déhqanni orunlashturghan hemde 15 mo din yer bergen. Déhqanlar ikki yil hökümetning orunlashturushi buyiche bu yerlerge qonaq, béde térighan bolsimu yaxshi kirim qilalmighan.

Hökümet yene, her bir a'ilige 500 chüje baqturghan. Téxnikiliq yéteklesh yaxshi bolmighachqa hem chüjilerge waqtida waksina urulmighachqa chüjilerning köpinchisi ölüp ketken. Bu yil yer kélishkende hökümet yene déhqanlarni 5 tin kala, 50 din qoy élip béqishqa, ularning yem ‏ - xeshiki üchün béde we sulyaw yépip qonaq térishqa buyrighan.

Bu yézining sékritari déhqanlar bashqa zira'et térisa mejburiy buzduruwétishni buyrighan. Bu bir qatar emeliyetke uyghun bolmighan ishlar déhqanlarning kallisidin ötmey bügün yeni20 nechche déhqan nahiyilik hökümetke kélip özlirining halini éytqan. Epsuslinarliqi peyziwat nahiyisining sékritarimu yéziliq hökümetning qarari toghra dep qarap déhqanlarni qayturuwetken.

Uyghur tor betliride shundaqla, bundaq ishlar belkim bashqa jaylardimu bolushi mumkin. Eger mushundaq 70‏ - yillardikidek emeliyetke uyghun bolmighan siyasetler yürgüziliwerse Uyghur déhqanliri menggü halliq sewiyige yitelmesliki mumkin, déyilgen. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet