Хитай һөкүмитиниң "шинҗаңда миңлиған-түмәнлигән йеза-кәнт базарлири қуруш" дегән дөләт пилани әмәлийләшмәктә

"Шинҗаң хәвәр тори" да 10 ‏- айниң 18 ‏- күни ашкарилап қоюшичә, хитай һөкүмитиниң "шинҗаңда миңлиған-түмәнлигән йеза-кәнт базарлири қуруш" дегән дөләт пиланини иҗра қилиш үчүн, уйғур аптоном райони" дәп атилип келиватқан бу районниң һәр қайси җайлирида, бир йилдин буян хитай маллирини тәқсим қилидиған наһийә дәриҗилик органдин 78и қурулуп болған. 4400 Йезида униң шөбиси қурулған.

Хәвәрдә баян қилинишичә, уйғур аптоном райони" дәп атилип келиватқан бу районда, гәрчә шәһәрләрдә дә һәр бир адәмниң күндилик сәрпияти 3 юәндин болса, йезиларда аран бир юәндин, әмма пүтүн җәмийәттики парчә сетиш миқдариниң 40% и йезида орунлиниду. Бу бир чоң сан. Шуңлашқа хитай һөкүмити уйғур юртлирида "миңлиған-түмәнлигән йеза-кәнт базарлирини қуруш" дегән дөләт пиланини оттуриға қойған.

Уйғур юртлирида қурулуп болған бу "миңлиған-түмәнлигән йеза-кәнт базарлири" хитайниң "шинноң гуруһи" дәп атилидиған чоң ширкитиниң "нуңҗале" дегән чатма тиҗарәт ториға четип қоюлған. Хитайниң "шин голйән" дәп атилидиған чоң мевә ширкитиму, уйғур юртлиридики "миңлиған-түмәнлигән йеза-кәнт базарлири" арқилиқ йезилардин мевә сетивелип, уни бейҗиң, шаңхәй, гуаңҗу қатарлиқ шәһәрләрдики шөбилириниң сетишиға тапшуридикән. (Вәли)