Хитай байинғулинда пиланлиқ туғутқа әмәл қилғанларни мукапатлаш хизмитини күчәйтти


2006.01.08

Йеқиндин башлап, байинғулин моңғол аптоном области пиланлиқ туғут сияситигә әмәл қилған аилиләрни мукапатлаш түзүмини әмәлийләштүрүш салмиқини техиму зорайтти.

"Шинҗаң хәлқ радио истансиси" ниң хәвәр қилишичә, байинғулин области бултурдин башлапла пиланлиқ туғут сияситигә әмәл қилған аилиликләрни мукапатлаш, риғбәтләндүрүш түзүмлирини илгирилигән һалда мукәммәлләштүргән болуп, әмдиликтә бу йәргә қарашлиқ наһийә )шәһәр( ләрдики мәмурий, кәспий орунлардики пиланлиқ туғутта "қош гуваһнамә" алған аилиләрниң сақлиқни сақлаш хираҗити вә пинсийигә чиққандин кейинки айлиқ иш һәққигә қошулидиған 5% мукапат хираҗити малийә хамчотиға киргүзүлгән.

Байинғулин моңғол аптоном областида уйғур елиниң башқа җайлириға охшашла пиланлиқ туғут хизмитигә алаһидә әһмийәт бериливатқан болуп, һазирға қәдәр байинғулин областиниң чарвичилиқ районлиридики пиланлиқ туғутта "қош гуваһнамә" алған аилиләр 5964 кә йетип, қаплиниш нисбити 62.3% Кә йәткән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.