Jappar hebibulla xotende pilanliq tughut mesilisi heqqide sözlidi

• 
  2006-01-19

Uyghur aptonom rayonining mu'awin re'isi jappar hebibulla, pilanliq tughut siyasitining Uyghur aptonom rayonida yaxshi izchillashmighanliqini bildürdi.

Jappar hebibulla, 18-yanwar küni Uyghur aptonom rayoni xelq qurultiyining 4- umumi yéghini jeryanida xoten guruppisining muzakire yighinida qilghan sözide, rayonda pilanliq tughut siyasitining izchillashmighanliqining asasliq sewebi azsanliq milletlerning idiye jehette özgermigenliki dégen.

Uning tekitlishiche, Uyghurlarning namratliqta qélishidiki asasliq seweb ularning pilanliq tughut siyasitige emel qilmighanliqida iken.

Jappar hebibulla sözide, pilanliq tughut siyasitining izchillashmighanliqi bir qisim azsandiki milliy yoldashlarning idiyisi özgermigenlikte dep körsetken.

Süzide, pilanliq tughut siyasitini yolgha qoyushta jem'iyettiki diniy ulümalargha tayinish mumkinchiliki bar dep tekitligen jappar hebibulla, bir diniy ölümaning pilanliq tughut siyasiti toghra, dep petiwa bergenlikini bildürgen. (Qanat)