Уйғур или аялларниң туғут мәзгилидә өлүш нисбити хитай бойичә әң юқири район


2006.03.17

Җуңго аяллар тәтқиқат иниститути елан қилған тәкшүрүш доклатида көрситилишичә, уйғур аптоном райони, тибәт вә чиңхәй өлкиси аялларниң туғут мәзгилидә өлүш нисбити хитай бойичә әң юқири районлар болуп қалған.

Шинхуа ахбарат агентлиқиниң хәвәр қилишичә, аяллар тәтқиқат иниститутиниң "җуңгода 1995 вә 2005 - йиллири арисидики җинсий баравәрлик вә аяллар тәрәққияти" дегән мавзудики доклатида, " бовақ қизлар вә һамилдар аялларниң өлүш нисбитиниң юқирилиқи бәзи җайларда җинсий тәңпуңсизлиқниң күчийишигә сәвәбчи болмақта " дәйду.

Доклатта әскәртишичә, уйғур аптоном райони вә тибәтләр һамилдар аялларниң өлүш нисбити әң юқири районлар болуп һесаблиниду. Шинҗаң уйғур аптоном райони статистика идариси 2 йил илгири " тәңритағ" торида, уйғур аптоном райониниң җәнубидики районларда қосақтики бовақларниң 57 % иниң һаят туғулалмайдиғанлиқини елан қилған. Бу қосақтики һәр 1000 бовақниң 570 и һаят туғулмайдиғанлиқини көрсәтмәктә.

Мәзкур доклат , тибәт вә уйғур аптоном райони қатарлиқ етник милләт районлирида һамилдар аялларниң өлүш нисбити бәзи чағларда һәр 100 миң аялға 100 аял тоғра кәлсә, бәзи чағларда һәр 100миңға 4.310 Аял тоғра келидиғанлиқини ашкарилиди.

Әмма хитай бойичә һесаблиғанда, һамилдар аялларниң өлүш нисбити 1995 -йили һәр 100 миң аялға 9. 61 Аял тоғра кәлсә, 2004 - йилға кәлгәндә һәр 100 миң аялға 3.43 Аял тоғра кәлгән. Доклатта " сәһийә мулазимитиниң начарлиқи бу хил әһвалниң алдини елишқа имканийәт бәрмәйватиду " дәйду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.