Uyghur ili ayallarning tughut mezgilide ölüsh nisbiti xitay boyiche eng yuqiri rayon


2006.03.17
Share on WhatsApp
Share on WhatsApp

Junggo ayallar tetqiqat inistituti élan qilghan tekshürüsh doklatida körsitilishiche, Uyghur aptonom rayoni, tibet we chingxey ölkisi ayallarning tughut mezgilide ölüsh nisbiti xitay boyiche eng yuqiri rayonlar bolup qalghan.

Shinxu'a axbarat agéntliqining xewer qilishiche, ayallar tetqiqat inistitutining "junggoda 1995 we 2005 - yilliri arisidiki jinsiy barawerlik we ayallar tereqqiyati" dégen mawzudiki doklatida, " bowaq qizlar we hamildar ayallarning ölüsh nisbitining yuqiriliqi bezi jaylarda jinsiy tengpungsizliqning küchiyishige sewebchi bolmaqta " deydu.

Doklatta eskertishiche, Uyghur aptonom rayoni we tibetler hamildar ayallarning ölüsh nisbiti eng yuqiri rayonlar bolup hésablinidu. Shinjang Uyghur aptonom rayoni statistika idarisi 2 yil ilgiri " tengritagh" torida, Uyghur aptonom rayonining jenubidiki rayonlarda qosaqtiki bowaqlarning 57 % ining hayat tughulalmaydighanliqini élan qilghan. Bu qosaqtiki her 1000 bowaqning 570 i hayat tughulmaydighanliqini körsetmekte.

Mezkur doklat , tibet we Uyghur aptonom rayoni qatarliq étnik millet rayonlirida hamildar ayallarning ölüsh nisbiti bezi chaghlarda her 100 ming ayalgha 100 ayal toghra kelse, bezi chaghlarda her 100minggha 4.310 Ayal toghra kélidighanliqini ashkarilidi.

Emma xitay boyiche hésablighanda, hamildar ayallarning ölüsh nisbiti 1995 -yili her 100 ming ayalgha 9. 61 Ayal toghra kelse, 2004 - yilgha kelgende her 100 ming ayalgha 3.43 Ayal toghra kelgen. Doklatta " sehiye mulazimitining nacharliqi bu xil ehwalning aldini élishqa imkaniyet bermeywatidu " deydu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet