Xitay pilanliq tughut siyasitini kücheytmekte


2006.04.06
Share on WhatsApp
Share on WhatsApp

Xitay hökümiti Uyghur élide pilanliq tughut siyasitini kücheytish üchün heriket bashlighan bolup, tengritagh torining 6 ‏-april künidiki xewiride, Uyghur aptonom rayonida tughut yéshidiki ayallar nisbitining xitay boyiche otturiche sewiyidin xéli yuqiri orunni igileydighanliqi otturigha qoyulghan.

Xitay xewer agéntliqi, Uyghur aptonom rayon omumiy nopusining 2001 ‏- yilidiki 18 milyon 761 ming 900 din köpiyip 20 milyon 103 ming 500 ademge yetkenlikini , besh yilda 1 milyon 341 ming 600 adem , ottura hisap bilen her yili 268 ming 300 adem köpeygenlikini ilgiri sürgen.

Xitay da'iriliri, Uyghur aptonom rayonida nopusning bashqa rayonlargha qarighanda nahayiti téz sür'ette köpiyiwatqaniqini tekitlesh arqiliq, bu rayonda pilanliq tughut siyasitini dawamliq kücheytish kéreklikini otturigha qoymaqta, emma Uyghur siyasiy teshkilatliri, xitay hökümitining Uyghurlar arisida pilanliq tughut siyasitini rehimsizlerche élip bériwatqanliqini , nopusning köpiyishige köchmen xitaylarning sewebchi boluwatqanliqini ashkarilimaqta.

Meshhur kishilik hoquq pa'aliyetchisi, Uyghurlarning meniwiy anisi rabiye qadir xanim, xitay hökümitining pilanliq tughut siyasiti heqqide mexsus doklat hazirlap, amérika we yawrupa döletlirige bu heqte eng yéngi melumatlarni yetküzgen , uning bildürüshiche, xitay hökümiti nöwette hetta tughulushqa az qalghan, 7 ‏-‏ 8 ayliq bowaqlarnimu nopusdin sirt törelgen dégen bahane bilen élip tashlaydiken. Chet yéza‏- kentlerde bu xil ehwal téximu éghir bolup, héchqandaq tibbiy sawatqa ige bolmighan kishiler, pilanliq tughut ishxanisining doxturi süpitide tughut opiratsiyisige qatniship, yash Uyghur ayallirigha paji'elik aqiwetlerni élip kelgen. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet