Xitay hökümiti pilanliq tughut siyasitini qayta tekitlimekte


2006.05.01
Share on WhatsApp
Share on WhatsApp

Xitay döletlik nopus we pilanliq tughut komitétining mudiri jang wéching, xitay hökümitining pilanliq tughut siyasitini izchil dawamlashturidighanliqini, bu qanun'gha xilapliq qilghanlarni jazalaydighanliqini bildürdi. U "emeliyet" zhornili muxbiri bilen ötküzgen söhbitide, pilanliq tughut siyasitining ijabiy netijiler yaritiwatqanliqini tekitligen.

Shinxu'a agéntliqining xewer qilishiche, hökümet yézilarda bir balisi yaki ikki qizi bar a'ililerge yilida 1200 yü'en mukapat puli béridiken. Jang, hökümetning pilanliq tughut siyasitini emelge ashurushta, hem mukapatlash hem jazalash usulini ishlitiwatqanliqini bildürdi.

Xitay hökümiti teripidin élip bériliwatqan pilanliq tughut siyasiti xelq'ara kishilik hoquq teshkilatliri bolupmu chet'ellerde pa'aliyet élip bériwatqan Uyghur teshkilatlirining qattiq tenqidige uchrimaqta. Xelq'ara kishilik hoquq teshkilatliri xitay hökümitining bu siyasetni nahayiti qattiq qolluq bilen yüzgüzüwatqanliqini tekitlise, Uyghur teshkilatliri buni xitay hökümitining Uyghurlargha qaratqan irqiy qirghinchiliq siyasitining bir qismi dep qarimaqta.

Uyghurlar teripidin Uyghur milliy herikitining rehbiri dep atalghan, rabiye qadir xanim, 18 ‏- we 19 ‏- april künliri amérika dölet mejliside ötküzülgen guwahliqtin ötüsh yighinlirida, xitayning Uyghur élide yürgüzüwatqan pilanliq tughut siyasitini qattiq tenqid qilip, xitay hökümitining bir tereptin xitayning ichki ölkiliridin Uyghur élige xitay yötkesh, yene bir tereptin pilanliq tughut siyasitini qattiq qolluq bilen yürgüzüsh arqiliq, Uyghurlarni öz yurtida azsanliq milletke aylanduriwatqanliqini bildürdi.

Xitay hökümitining pilanliq tughut siyasitini, bu döletning Uyghurlargha qaratqan irqiy qirghinchiliqining bir qisimi dep körsetken rabiye qadir xanim, xitay hökümitining Uyghurlarning diniy étiqad we milliy örp-adetlirige pütünley xilap bolghan pilanliq tughut siyasitini derhal toxtitishi kéreklikini bildürdi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet