Хитай уйғур елидә пиланлиқ туғут сияситини йүргүзүштә қурандин пайдилинишни оттуриға қойди


2007.03.27

Йеқинда уйғур аптонум райони пиланлиқ туғут комитетиниң тор бетигә, ли гоҗяңниң уйғур елидә пиланлиқ туғут сиясити йүргүзүш кеңәйтилгән йиғинда сөзлигән нутуқи берилди, бу нутуқта хитайниң уйғур елидә йүргүзүватқан пиланлиқ туғут сияситини техиму илгирилигән һалда әмәлийләштүрүш истратегийси баян қилиған.

Ли гоҗяң хитайниң уйғур елидики пиланлиқ туғут комитетиниң партком секритари. Ли гоҗяң мундақ дәйду, "шинҗаң йезилиридики аз санлиқ милләт аммисиниң динға етиқад қилиши бир обектип мәвҗут мәслә йезилардики вәтәнпәрвәр диний затлар бизниң зиммиздики бу тарихи бурчни йүргүзүшимиздики таянч күчимиз".

Пиланлиқ туғут мәсилисини техиму кәң көләмдә йүргүзүштә, у йәнә мундақ дегән: вәтәнпәрвәр дини затлар арисидики, инавити үстүн, тәсир кучи зор кишиләрни таллап чиқип, "қурандики ана, балилар сағламлиқиға аит мәзмунларни бирләштүрүш керәк". Униң нутуқида йәнә ениқ қилип, уйғур елиниң җәнубий районлиридики 3 чоң вилайәт вә областларда нопус чәкләшни муһим нуқта қилип тутуш көрситилгән.

Уйғур елидики пиланлиқ туғут сияситини йүргүзүштә, улар хәлқаралиқ кишилик һоқуқ тәшкилатлириниң тосалғу болушиниң алдини елиш үчүн, бәзи ишларни мәхпий тутуш яки бешини ичигә тиқип иш қиливиришни һәм еғиз ачмаслиқни оттуриға қойған.

У мундақ дегән: диний башқуруш вә аз санлиқ милләт районлирида пиланлиқ туғут сияситини йүргүзүш әзәлдин хәлқаралиқ кишилик һоқуқ тәшкилатлири бәк көңүл болидиған мәсилә, шуңа пиланлиқ комитетимиз интайин еһтиятчанлиқ билән иш көрүватиду. Буниңға нисбәтән биз чоқум сиясәт билән иш көришимиз, өзимизгә қарита ишәнч турғузуп дадил ишлишимиз, сиртқа нисбәтән, ишни қилип еғиз ачмаслиқимиз керәк. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.