Ваң лечуән уйғур елиниң җәнубидики үч вилайәт һәм областта нопусни давамлиқ конторл қилишни қаттиқ тәкитлиди


2007.04.01

Уйғур елиниң һөкүмәт башқуришидики асаслиқ мәтбуатларда 31 - март күни баш тема сүпитидә берилгән хәвәрләргә асасланғанда, шәнбә күни ечилған уйғур аптонум районлуқ пиланлиқ туғут хизмәт йиғинида, партком секретари ваң лечуән, уйғур елидә буниңдин кейинки бир мәзгилгичә йүргүзүлидиған пиланлиқ туғут сиясити һәққидә йолйоруқ берип "уйғур аптонум районида нопусниң ешиши пиландин артуқ болуп кәтти, деһқанчилиқ районлири, асасий қатламларда болупму җәнубий уйғур елини асас қилип туруп, туғутни давамлиқ конторл қилип, көпийиш сәвийисини төвән һаләттә сақлашқа капаләтлик қилиш керәк" дәп, пиланлиқ туғут тармақлириниң дегәнлирини ишқа ашуруш үчүн җидди тәдбир қоллинишни тәкитлигән.

Әмәлийәттә пиланлиқ туғут комитетиниң 2006 - йилиниң ахиридики статистикилиқ тәкшүришидә уйғур елиниң нопуси йигирмә милйон 500 миң чиққан болуп, уйғур ели нопусиниң көпийиши, хитайниң әсли пиланидикидинму аз чиққан.

Хәвәрдә көрситилишичә һазирғичә уйғур елидә бир пәрзәнтлик болуш шәрәпнамиси алған аз санлиқ милләт аилилири 900 миңға йәткән болуп, буниң ичидә деһқанлар аилиси 250 миң 470 ни игиләйдикән. Шундақла уйғур елидә туғут чәкләш оператсийиси қилдурғанлар 81%кә йәткән.

Ваң лечуән йәнә җәнубтики үч вилайәт областта йәрлик хәлқни бирла пәрзәнтлик болушқа риғбәтләндүрүш үчүн мукапатлаш чарилирини қоллинип, нопусни үнүмлүк конторл қилиш хизмәтлирини яхши ишләшни тәләп қилған. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.