Данийиниң карлсберг пива гуруһи "қулмақ ширкити" ниң ٪ 46 пай чекини сетивалмақчи

Дунядики әң чоң пивә гороһлириниң бири болған карлсберг пива гуруһи уйғур елидики "қулмақ ширкити" ниң 46٪ пай чекини сетивалмақчи.

Енглизчә чиқидиған асияға нәзәр гезитидә елан қилинған хәвәрдә мәлум болушичә, карлсберг пива гуруһи билән сичуән блусворд гороһи бирлишип қурған "шинҗаң блусворд һарақ ишлириға мәбләғ селиш ширкити" йәкшәнбә күни "қулмақ ширкити" ниң 169 милйон пай чекини сетивелишқа келишкән.

Мутәхәссисләр карлсберг пива гуруһиниң пива ясашта ишлитидиған буғдай вә қулмаққа болған еһтияҗи сәвәбидин, уйғур елидики бу ширкәткә мәбләғ салғанлиқини билдүрмәктә. Чүнки уйғур елидә бу мәһсулатларниң баһаси башқа җайларға қариғанда әрзанрақ тохтайдикән.

"Қулмақ ширкити" ниң сабиқ баш дериктор әкрәм әйса 2003 - йили ноябирдин башлап йоқап кәткәндин буян, мәзкур ширкәт көп қийинчилиқларға дуч кәлгән. Гәрчә бәзи мәлуматларда әкрәм әйсаниң чәтәлдә икәнлики хәвәр қилинған болсиму, әмма у һазирғичә өзини көрсәтмиди.