Уйғур аптоном районида пива байрими өткүзүлиду


2005-07-22
Share

Хитай бойичә әң чоң пива ечитқуси қолмақни ешләпчириш базиси болған уйғур аптоном районида, бу йил 8 - айниң 21 - күни тунҗи нөвәтлик пива байрими өткүзүлиду.

Уйғур аптоном районида пива ечитқусини әкрәм әйсайовниң баш мудирлиқидики "шинҗаң қолмақ ширкәтләр гуруһи" контрол қилатти. Әмма әйсайов икки йил илгири канадаға қечип кетишкә мәҗбур болди.

Пива байрими өткүзүшкә кетидиған иқтисади чиқимни шибошиң елан - сәнәт чәклик ширкити, үч миң мәдәнийәт чәклик ширкити шундақла шинҗаң шинвен мәтбуат мәбләғ селиш чәклик ширкити қатарлиқ гуруһлар үстигә алидикән.

Шинҗаң қолмақ ширкәтләр гуруһи, шаңхәйдики аксийә базирида пай чеки тарқитиш һоқуқиға игә уйғур аптоном районидики санақлиқ ширкәрләтниң бири иди.

Вәзийәттин хәвәрдар әрбапларниң ашкарилишичә, әкрәм әйсайов хитай һөкүмитиниң өзигә йүз келәлмәйдиғанлиқини билдүргән. Униң тәкитлишичә, хитай һөкүмити тәрипидин тартивелинған җеҗаңдики бир ширкитиниң өзи 400 милйон йүәнгә ярайдикән.

Хитай һөкүмити икки йил илгири әйсайовниң рухсәтсиз кетип қалғанлиқини елан қилип, униң уйғур аптоном райони вә ичкиридики барлиқ мал - мүлкини тоңлатқан. У, шинҗаң қолмақ ширкәтләр гуруһиниң 26 ٪ пай чекигә игидарчилиқ қилатти..

Пива байримини аптоном районлуқ иқтисад һәмкарлиқ ишханиси, қизил крест җәмийити, мәдәнийәт назарити, сода - санаәт бирләшмиси қатарлиқ идарә вә органлар уюштурмақта. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт