Бейҗиң уйғур елидики пиланлиқ туғут хизмити үчүн зор миқдарда иқтисад аҗратти


2007-08-19
Share

18- Авғуст күни үрүмчидә уйғур аптоном районлуқ пиланлиқ туғут, пән-техника хизмәт йиғини ечилған болуп, йиғинда уйғур аптоном райониниң қазақ миллитидин болған муавин рәиси нурлан абдумәнҗин сөз қилип, пиланлиқ туғут хизмити вә пиланлиқ туғут техника хизмитини техиму илгирилитишни тәләп қилған.

Хәвәрләрдин қариғанда, хитай мәркизи һөкүмити уйғур аптоном райониниң пиланлиқ туғут ишлири үчүн 130 милйон йүән мәбләғ аҗритип, аптоном райондики 46 наһийә дәриҗилик, 172 йеза дәриҗилик пиланлиқ туғут хизмәт понкитлирини нуқтилиқ кеңәйтиш, 85 җайға һәрикәтчан мулазимәт қилиш машиниси берип, пиланлиқ туғутқа мунасивәтлик пән-техника системисини мукәммәлләштүрүшни қарар қилған.

Инкаслардин қариғанда, уйғур елидә хитайларниң нопуси тез көпәйгән болуп, 1949-йили аран %5 ни игилигән хәнзулар бүгүнки күндә уйғур ели нопусиниң йеримидин ешип кетишкә қарап йүзләнгән. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт