Poskam nahiyisi mektep balilirini 3 xil küchlerge qarshi heriketke chaqirghan

Poskam nahiyilik ma'arip idarisining tor bétidin ashkarilinishiche, bu nahiye 9 ‏ - ayning 5 ‏ - küni mekteplerni üch xil küchlerge qarshi heriketke chaqirghan, chaqiriq mezkur tor bettiki bir uqturushta bayan qilin'ghan.
Muxbirimiz shöhret hoshur
2008-09-18
Élxet
Pikir
Share
Print
 
Ötken ayda yüz bergen semenyoli weqesi, yamanyar weqesi we qizilboyi weqesi eslep ötülgen uqturushta, 3 xil küchlerning ezeldinla jim turmay kelgenliki we bundin kéyinmu toxtimaydighanliqi eskertilgen. Uqturushta, aldi bilen mekteptiki oqutquchi, oqughuchilarning olimpik mezgilide rayonning bixeterlikige hesse qoshqanliqi medhiyilen'gen, andin ramizan we méyiplar olimpiki mezgilidimu, oxshash pidakarliq körsitishi telep qilin'ghan. Uqturush, nahiye we yéziliq ottura, bashlan'ghuch mektep we yeslilergiche xitap qilghan bolup, oqutquchi, oqughuchilarning hushyarliqni östürüshi telep qilin'ghan.

Uqturushta yene, oqutquchi, oqughuchilarning tughqan yoqlash, dost izdesh bahaniliri bilen ramazan mezgilide diniy pa'aliyetlerge qatniship qalmasliqini agahlandurghan. Rozi tutush qattiq cheklen'gen uqturushta, diniy zatlarning perzentlirining rozi tutup - tutmighanliqini nuqtiliq tekshürüsh telep qilin'ghan.

Uqturushta, nöwette turup qoghdash wezipisi ötewatqan oqutquchi, oqughuchilar, uxlap qalmasliqqa, wezipe sa'itide mest bolup qalmasliqqa we weqe chiqsa qéchip ketmeslikke jiddiy bir shekilde agahlandurulghan.

Mezkur uqturush ötken ayda qeshqerde yüz bergen weqelerning qeshqer da'irilirini heddidin ziyade sezgürleshtürüwetkenlikini körsetmekte. Ötken ay yüz bergen qizilboyi weqeside gumandarlarning qarshiliqigha uchrighan saqchilarning bir qismi qéchip ketken idi.


Toluq bet