Uyghur élide yene poyiz örülüsh weqesi yüz berdi


2007-03-18
Share

Uyghur élide yene bir qétim poyiz örülüsh weqesi yüz berdi. Shingxu'a agéntliqining uchurigha qarighanda, 18-mart küni sa'et 15:40 ötkende ürümchidin anche yiraq bolmighan fukang nahiyisi tewesidiki tömür yolda ürümchidin fukanggha mangghan, kömür basqan poyizning toqquz wagoni bir köwrükning chüshüp kétishi bilen rélistin chiqip ketken, sekkizi örülgen, üch wagon bolsa deryagha chüshüp ketken.

Munasiwetlik uchurlargha qarighanda, weqe yüz bergen köwrükning uzunluqi 10 nechche métir, su yüzidin égizliki töt métir etrapida iken. Közetküchiler köwrükning normidin artuq kömür basqan wagonlarni kötürelmigenlikini perez qilishmaqta.

Xewerlerdin qarighanda, mezkur weqede ölgen yaki yarilan'ghanlarning bar yoqluqi téxi élan qilinmighan bolup, emma mezkur weqening tömür yol qatnishi we toshush ishlirigha tosqunluq qilghanliqi éniq iken.

Téxi buningdin ikki hepte ilgiri ürümchidin aqsugha kétiwatqan yoluchilar poyizi shamal küchi bilen örülüp, üch ademning ölüshi we 100 din artuq ademning yaridar bolushini keltürüp chiqarghan idi. Weqedin kéyin xitay tömür yol da'iriliri tömür yol qatnishining bixeterlikige kapaletlik qilish qatarliq charilarni békitken idi.

Xewerlerdin qarighanda tomur yol xitayning muhim qatnash we toshush wasitisi bolup, Uyghur élining néfit, kömür qatarliq yer asti bayliqliri uzundin buyan tömür yol arqiliq ichkiri xitaygha toshulmaqta. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet