Bingtu'en 4 ‏- déwiziye 75 ‏- polki öz etrapidiki yurtlarni nazaret qilidighan foto apparat séstimisi qurdi

• 
  2006-10-04

Shinjang xewer torida melum bolushiche, shinjang ishlepchiqirish qurulush armiyisining 4 ‏- déwiziye 75 ‏- polki öz etrapidiki yurtlarni nazaret qilip turush üchün, téléwiziye toridiki 8 qanalgha ulinidighan foto apparat séstimisni qurup sinaqtin ötküzgen. Bingtu'en bu séstima üchün 160 ming yu'en meblegh salghan.

Xewerde teswirlinishiche, bingtu'enning 75 ‏- polki xitayning ili chégra mudapi'e qisimliri séstimisida uzun yillardin béri 'nemunichi orun' dep atilip kelmekte. Bu polkning saqchi ponkiti xitay jama'et xewpsizlik ministirliqi teripidin 'xizmet körsetken saqchi ponkiti' dégen nam bilen teqdirlen'gen. 75 ‏- Polk hazir qurup chiqqan foto apparat séstimisi 'shinjang xewer tori'da "etrapidiki yurtlardiki hemme shepini sézidighan, hemme a'ilidiki ish-heriket we gep-sözni bilip anglap turidighan séstima' dep teswirlen'gen.