Qaghiliqtin 87 neper Uyghur yash chingdaw shehirige qarap yolgha chiqti


2008-01-07
Share

Qaghiliq nahiyisi hökümet xewerliridin ashkarilinishiche, bu yil kirgendin bashlap qaghiliq nahiyiside Uyghur yashlarni xitay ölkilirige yötkesh ishliri yene élip bériliwatqan bolup, 2- yanwar küni qaghiliq nahiyisidin 87 neper Uyghur yash chingdawgha élip kétilgen.

Xewerde körsitilishiche, uzutush murasimigha nahiye rehberliridin yéza kadirighiche xadimlar qatnashqan bolup, bu qaghiliqtin chingdawgha yolgha sélnighan 5- qarar Uyghur yashlar bolup hésablinidiken.

Yighinda nahiyilik partkomning mu'awin sékrétari söz qilip, a'ile bashliqlirining "köz qarishini özgertish" ini we öz perzentlirini sirtqa ishleshke yolgha sélishni a'ile kirimini östürüshke paydiliq ish dep tonushini ümid qilidighanliqini bildürgen.

2- Yanwar küni chüsh mezgilide bu 87 neper yash aptobusqa olturup qaghiliqtin xitayning chingdaw shehirige qarap yolgha chiqqan.

Ilgiri xitay sheherlirige élip kétilgen 400 neper yashning hemmisi qiz balilar idi. Xewerde éytilishiche, bu nöwet chingdawgha yolgha chiqqan 87 neper Uyghur yashning hemmisi oghul bolup, bu qaghiliqtin xitay ölkiliride ishleshke tunji ret élip minglighan oghul balilar iken. Xitayning Uyghur élide turushluq hökümiti we yerlik hökümetliri birlikte siyaset belgilep, 2006- yilining axiridin bashlap Uyghur ilidin nurghun qizlarni xitay sheherlirige ishlemchilikke élip kétiwatqan bolup, bu dunyaning herqaysi jayliridiki Uyghur teshkilatliri we insan heqliri teshkilatliri yéqindin diqqet qiliwatqan mesilining biri bolup kelmekte.

Ilgiri xitay ölkilirige ishleshke élip kétilgen bir qism yashlar bir amallarni qilip zawutlardin qéchip kelgen bolup, ular radi'omizgha bergen melumatlargha qarighanda ular, sa'etlep ishqa sélin'ghanning üstige ma'ashinimu alalmighan iken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet