Тәтқиқатчилар қанас көлидики "алвастилар" тоғрисида тәкшүрүш елип бариду


2005.07.29

Франсийә ахбарат агентлиқиниң хәвәр қилишичә, тәтқиқатчилар бу йил 8 - айда уйғур аптоном райониниң шималиға җайлашқан қанас көлидики " алвастилар" тоғрисида тәкшүрүш елип баридикән.

Алтайдики йәрлик хәлқләр ичидә қанас көлидики сирлиқ һайванлар һәққидики ривайәтләр төт йүз йилдин бери еғиздин чүшмәй кәлди. Ривайәт қилинишичә, қанас көлигә йеқинлашқан ат, өчкә вә қойлар сирлиқ һалда йоқап кетидикән. Бирақ 1985 - йили шинҗаң университетиниң биологийә факултетидики оқутқучи вә оқуғучилар қанас көлидә тәкшүрүш елип берип, узунлуқи 10 метирдин 15 метирғичә келидиған, еғирлиқи 4 тоннидин ашидиған қизил рәңлик чоң белиқларни байқиған.

Тәтқиқатчилар 2 йиллиқ тәкшүрүштин кейин 1989 - йили көлдики аталмиш "алвастилар" ни йоғинап кәткән салмин типидики белиқлар, дәп һөкүм қилди. Өткән йили 8 - айда бир қисим тәтқиқатчилар қанас көлидә тәкшүрүш елип барған. Әмма улар көлдики белиқларниң сани вә уларниң қачандин бери бу йәрдә яшаватқанлиқини ениқлиямиған.

Тәтқиқатчилар келәр айда бу йәрдә йәнә тәкшүрүш елип берип, қанас көлидики ғәлитә һайванлар һәққидики ривайәтниң сирини йешишкә тиришидикән. Қанас көли уйғур аптоном райониниң моңғулийә, русийә вә қазақистан чегрисиға тоғра келиду. (Әркин)

© 2005 Radio Free Asia

Мунасивәтлик мақалилар

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.