Tetqiqatchilar qanas kölidiki "alwastilar" toghrisida tekshürüsh élip baridu


2005-07-29
Share

Fransiye axbarat agéntliqining xewer qilishiche, tetqiqatchilar bu yil 8 - ayda Uyghur aptonom rayonining shimaligha jaylashqan qanas kölidiki " alwastilar" toghrisida tekshürüsh élip baridiken.

Altaydiki yerlik xelqler ichide qanas kölidiki sirliq haywanlar heqqidiki riwayetler töt yüz yildin béri éghizdin chüshmey keldi. Riwayet qilinishiche, qanas kölige yéqinlashqan at, öchke we qoylar sirliq halda yoqap kétidiken. Biraq 1985 - yili shinjang uniwérsitétining bi'ologiye fakultétidiki oqutquchi we oqughuchilar qanas kölide tekshürüsh élip bérip, uzunluqi 10 métirdin 15 métirghiche kélidighan, éghirliqi 4 tonnidin ashidighan qizil renglik chong béliqlarni bayqighan.

Tetqiqatchilar 2 yilliq tekshürüshtin kéyin 1989 - yili köldiki atalmish "alwastilar" ni yoghinap ketken salmin tipidiki béliqlar, dep höküm qildi. Ötken yili 8 - ayda bir qisim tetqiqatchilar qanas kölide tekshürüsh élip barghan. Emma ular köldiki béliqlarning sani we ularning qachandin béri bu yerde yashawatqanliqini éniqliyamighan.

Tetqiqatchilar kéler ayda bu yerde yene tekshürüsh élip bérip, qanas kölidiki ghelite haywanlar heqqidiki riwayetning sirini yéshishke tirishidiken. Qanas köli Uyghur aptonom rayonining mongghuliye, rusiye we qazaqistan chégrisigha toghra kélidu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet