Қанас чәтәллик саяһәтчиләр беришқа тегишлик җай дәп баһалинип, алтун мукапатқа еришти
2006.03.30
Уйғур диярдики қоғдилидиған саяһәт орунлиридин бири болған қанас көли, хитай бойичә чәтәллик саяһәтчиләр беришқа тегишлик 50 җай тизимликигә кирип, мусабиқигә қатнаштурулғандин кейин алтун мукапатқа еришкән.
8 - Април күни бейҗиңдики хәлқ сарийида мәзкүр түр бойичә мукапат тарқитиш мурасими елип берилидикән. Хәвәрләрдин мәлум болушичә, саяһәтчиләр беришқа тегишлик 50 җай ичидин бирни таллап чиқиш паалийитигә хитайниң мунасивәтлик рәһбәрлири, һәр қайси дөләтләрниң хитайда турушлуқ әлчихана хадимлири, өлкә вә шәһәрләрдики саяһәт идарилири, саяһәт саһәси бойичә мүтәхәссисләр шуниңдәк намзат қилип көрситилгән орунларниң вәкилиридин болуп 800 киши қатнашқан.
Гәрчә, қанас көли саяһәтчиләр беришқа тегишлик 50 җай ичидин таллинип , алтун мукапатқа еришкән болсиму , әмма илгири қанас көлиниң муһитини асраш хизмәтлири яхши ишләнмигәнликтин, мәзкүр җайниң муһити еғир дәриҗидә булғанғанлиқи ашкариланған иди.
Истансимизниң игилигән мәлуматлиридин қариғандиму, уйғур дияридики саяһәт орунлири, пул тепишни мәқсәт қилған саяһәт ширкәтлири вә бу земинға қанунсиз еқип киргән аққунлар тәрипидин вәйран қиливитилгән болуп, қанунсиз аққунларниң қалаймиқан һайван овлаш , қиммәтлик дора өсүмлүклирини колаш һәрикәтлири түпәйлидин нурғунлиған орман, дәря вә көлләр вәйран болған. (Әқидә)
Мунасивәтлик мақалилар
Көп көрүлгән хәвәрләр
RFA
- Уйғур зиялийлири истанбулға җәм болуп, өз миллий тәқдири мәсилилирини муһакимә қилди
- Долқун әйса б д т кишилик һоқуқ кеңишидин уйғур ирқий қирғинчилиқиға қарита әмәлий һәрикәт қоллинишни тәләп қилди
- Уйғурларниң нопуси һәққидики әң йеңи китаб
- Моңғул тәтқиқатчи яң хәййиң :“ хитай һөкүмити йүргүзүватқан миллий ассимилятсийәни хитай пуқралириму астирттин қоллайду”
- Ваң хуниң: “шинҗаңдики мәдәнийәт, маарип вә муқимлиқ сияситини қәтий давамлаштуруш лазим!”