Қанас мәнзирилик райони хитайниң дөләтлик бағчиси қилип қурулмақчи


2006.07.13
Share on WhatsApp
Share on WhatsApp

Хитай даирилири, уйғур дияридики қанас тәбиий қоғдаш районини , ғәрбтики әң чоң дөләтлик бағча қилип қурушни пилан қилған.

Мәркизи агентлиқниң тәйбейдин 13 ‏- июл күни бәргән хәвиригә қариғанда , уйғур аптоном райони 15 йил ичидә юқириқи пиланни ишқа ашуридикән.

Хәвәрдә мүтәхәсисләрниң сөзлири нәқил кәлтүрүлгән болуп, дөләтлик бағча дигән - бир дөләткә вәкиллик қилалайдиған тәбиий районни көздә тутқан болуп, мәзкүр дөләтлик бағчиниң қурулуши, алаһидә тәбиий район мәнзирси, явайи һайванатлар һәмдә тарихий изналарни қоғдашни өз ичигә елиш билән биргә, һаятлиқниң қиммитини тәтқиқ қилиш үчүн алаһидә тәсир көрситидикән.

Мәлум болушичә, йеқинқи йиллардин бери, қанасни зиярәт қилидиған саяһәтчиләр сани йилиға 25 пирсәнт көпәйгән, өткән йили саяһәтчиләр сани 300 миңға йәткән.

Инкасларға қариғанда, бир қанчә йилардин буян қанас районида муһитни қоғдаш хизмити яхши елип берилмиғандин сирт, саяһәтчиләрниң бу районда елип бериватқан бузғунчилиқ һәрикәтлири, болупму қанунсиз хитай көчмәнлириниң қалаймиқан ов овлаш, қиммәтлик дора үсүмлүклирини оғрилаш қилмишлири нәтиҗисидә мәзкүр район еғир дәриҗидә вәйран қилинған.

Әгәр қанас райониниң һазирқи омумий көлимидин , 10 миң квадират километирғичә болған арилиқи қоғдап тәрәққи қилдурулса, у ,гүзәл мәнзириси билән америкидики дуняға мәшһур дөләтлик сериқ таш бағчисидин ешип чүшүши мумкин икән. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.