Qanas menzirilik rayoni xitayning döletlik baghchisi qilip qurulmaqchi


2006.07.13
Share on WhatsApp
Share on WhatsApp

Xitay da'iriliri, Uyghur diyaridiki qanas tebi'iy qoghdash rayonini , gherbtiki eng chong döletlik baghcha qilip qurushni pilan qilghan.

Merkizi agéntliqning teybéydin 13 ‏- iyul küni bergen xewirige qarighanda , Uyghur aptonom rayoni 15 yil ichide yuqiriqi pilanni ishqa ashuridiken.

Xewerde mütexesislerning sözliri neqil keltürülgen bolup, döletlik baghcha digen - bir döletke wekillik qilalaydighan tebi'iy rayonni közde tutqan bolup, mezkür döletlik baghchining qurulushi, alahide tebi'iy rayon menzirsi, yawayi haywanatlar hemde tarixiy iznalarni qoghdashni öz ichige élish bilen birge, hayatliqning qimmitini tetqiq qilish üchün alahide tesir körsitidiken.

Melum bolushiche, yéqinqi yillardin béri, qanasni ziyaret qilidighan sayahetchiler sani yiligha 25 pirsent köpeygen, ötken yili sayahetchiler sani 300 minggha yetken.

Inkaslargha qarighanda, bir qanche yilardin buyan qanas rayonida muhitni qoghdash xizmiti yaxshi élip bérilmighandin sirt, sayahetchilerning bu rayonda élip bériwatqan buzghunchiliq heriketliri, bolupmu qanunsiz xitay köchmenlirining qalaymiqan ow owlash, qimmetlik dora üsümlüklirini oghrilash qilmishliri netijiside mezkür rayon éghir derijide weyran qilin'ghan.

Eger qanas rayonining hazirqi omumiy kölimidin , 10 ming kwadirat kilométirghiche bolghan ariliqi qoghdap tereqqi qildurulsa, u ,güzel menzirisi bilen amérikidiki dunyagha meshhur döletlik sériq tash baghchisidin éship chüshüshi mumkin iken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.