Қанас райони саяһәтчиләр тәрипидин вайранчилиққа учримақта


2006-10-12
Share

Бир қанчә айдин буян, дөләт дәриҗилик алаһидә қоғдилидиған район һесабланған қанас районини зиярәт қилған, чәтәллик саяһәтчиләр шуниңдәк хитайдики саяһәтчиләрниң сани 700 миңдин ешип кәткән.

Хитай хәвәр агентлиқиниң пәйшәнбә күни бәргән хәвиригә асасланғанда, мәзкүр районни саяһәт қилғучилар асасән гуаңдуң вә бейҗиңдин кәлгән хитай саяһәтчиләр болуп, улар саяһәтчиләр саниниң 60 % ини игиләйдикән.

Мәлуматларға қариғанда, қанас, гүзәл мәнзириси билән көплигән саяһәтчиләрни өзигә җәлип қилип кәлгән болсиму, әмма саяһәтчиләргә мулазимәт қилиш арқилиқ пул тепишни мәқсәт қилған ичкири өлкилик тиҗарәтчи вә аққунларниң бузғунчилиқлири түпәйли, қанас райони вә қанас көли муһити еғир дәриҗидә булғанмақта икән.

Хитай саяһәтчиләрниң, аммиви сорунларниң қаидә - түзүмлиригә риайә қилмаслиқтәк қилмишлири, хәлқараға ашкариланған болуп, болупму уларниң қиммәтлик өсүмлүк вә гүл - гияларни үзүп вәйран қилиш һәмдә қиммәтлик һайванларни овлаш қилмишлири уйғур елидики саяһәт районлириниң еғир дәриҗидә вәйран болушиға сәвәб болмақта. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт