Uyghur élida yüz bergen qar apiti déhqanlargha qiyinchiliq élip keldi

Xoten we qeshqer teweside yüz bergen qar apitige uchrighan bir qisim déhqanlar issinish, yimek - ichmek we waqitliq turalghu qatarliq asasliq turmush buyumlirigha jiddi éhtiyajliq bolmaqta.

Öz muxbirimizning qar apitining tesirige éghir uchrighan xoten guma nahiyisining kiliyang yézisidin igiligen melumatlirigha qarighanda, 17 - féwral künidin bashlap yaqqan qarning qélinliqi yéza- bazar ichide 45 santimétirgha, taghliq rayonlarda 70 santimétirgha yetken. Hawa soghuq bolghanliqi üchün, turubilar yérilip kétip, besh mingdek ahalining ichimlik süyi toxtap qalghan.

Nahiyilik hökümet da'iriliri mezkur yézigha bir qisim otun, juwa qatarliq yardem boyumlirini ewetken bolsimu, biraq apetke uchrighan kishilerning ihtiyajini qandurulmighan. Kiliyang yézisidiki déhqanlarning bildürüshiche, apetke qarimastin, yéziliq hökümet da'iriliri déhqanlarni dawamliq hashar emgikige séliwatqan iken.

Buning aldida, qeshqer we xoten teweside toxtimay yaqqan qar netijiside, 260 éghizdek öy örülüp, 20 ming kishi qar apitining tesirige uchrighanliqi, 30 ming tuyaq charwa malning apette ölgenliki xewer qilin'ghan idi. (Arzu)