Ямғурлуқ қар апити қумулға 8 милйон йүән иқтисадий зиян салди


2005-11-23
Share

Уйғур елиниң қумул вилайидә17- ноябирдин 20- ноябирғичә давамлашқан ямғурлуқ қар апити, бу йәрдә 8 милйон йүәндин ошуқ иқтисадий зиян кәлтүрүп чиқарди. Бу, қумул тарихида 50 йилдин буян көрүлгән әң чоң ямғурлуқ қар апити болуп һесаблиниду.

Хоңкоңда чиқидиған "миңбав гезити" ниң хәвиригә қариғанда, ямғурлуқ қар яғқан 4-3 күндин буян, қумул шәһириниң һөл-йеғин миқдари 27 миллиметирдин ашқан болуп, бу қумул шәһириниң йиллиқ һөл-йеғин миқдари билән тәңлишип қелишқа аз қалған.

Бу йил қишта мәзкур районниң һава темпираторисииниң бир қәдәр юқири болуши сәвәбидин шәкилләнгән бу ямғурлуқ қар апити, қумул вилайидә 1000 дин ошуқ һайванниң өлишини, 20 миңға йеқин дәл-дәрәхниң вәйран болишини һәмдә 100 дин ошуқ қотанларниң өрүлүп кетишини кәлтүрүп чиқарған. Буниңдин сирт йәнә, 30 нәччә еғизға йеқин аһалә өйлири өрүлүп чүшкән һәмдә бир қисим йолларни су елип кәткән.

Қумул вилайитиниң келимати типик қуруқлуқ типидики һава келимати болуп, адәттә қурғақ вә аз һөл-йеғинлиқ болиду һәмдә униң пүтүн йиллиқ һөл-йиғин миқдари аран 34 миллиметир әтрапида болиду. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт