Uyghur élide qar apiti kéngeymekte


2006-01-06
Share

Uyghur élining ili, altay, tarbaghatay rayonlirida yüz bergen qar aptide nurghunlighan öyler örülüp chüshken bolup, hökümet 5 ‏- yanwar küni qar apitige uchrighan rayonlardin 97 ming kishini bashqa rayonlargha yütkeshke mejbur bolghan.

Franisye agéntliqining xewer qilishiche, xitay hökümiti 6 ‏- yanwar küni qar apitige uchrighan rayondiki yüzminglighan kishige yardem yetküzüsh pa'aliyitini tézletken. Rayonda dékabir iyidin béri yéghiwatqan qar miqdari bir mitirgha yetken bolup, xitay hawa rayy idarisining bildürüshiche, qar yéghish we nachar hawa yene dawamlishidiken. Xewerlerge qarighanda, altay rayonida soghaqliq nöldin töwen 43 giradusqa yetken.

Aptonom rayonluq xelq ishliri nazaritining bildürüshiche, hazirghiche 9 ming tuyaq charwa soghaq sewebidin tonglap halak bolghan bolup, yene nechche milnglighan tuyaq charwaning halak bolushi mumkin iken.

Xewerde éytilishiche, xitay hökümitining qar apiti toghrisidiki xewerliride, rayondiki xelqining qandaq qiyinchiliqlargha duch kéliwatqanliqi bildürülmigen emma, ürümchidiki bir hökümet emeldari, rayonda qutquzush pa'aliyetlirining jiddiy élip bériliwatqanliqini we qar apitide ziyan'gha uchrighanlarni turalghu jay we yémek bilen teminlesh üchün pa'aliyetlerning dawamlishiwatqanliqini bildürgen. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet