Altaydiki qar apitide 9 mingdin oshuq charwa-mal öldi


2006-01-08
Share

Yéqinqi künlerdin buyan, altay wilayitide yüz bergen éghir qar apiti sewebidin hazirghiche 9 ming tuyaqtin köp charwa-mal ölgen. Shundaqla hemme yerni qar qaplap ketkenliktin, 300 ming tuyaq charwa-malning yem tépip yiyishi qéyin'gha chüshkechke, yene dawamliq charwa-mallarning ölüsh ehwali körilidighanliqi mölcherlenmekte.

Xitay xewer tor bétining melumatigha qarighanda, munasiwetlik orunlar hazir qar apitide öysiz qalghan charwichilarnimu bashqa jaylargha yötkigen. Sibiriyidin sürülgen bu küchlük soghuq éqimi altayni merkez qilip, chöchek, ghulja we böritala qatarliq jaylarghiche tesir körsetken bolup, 29‏- dékabirdin bashlap 3-4 kün uda yaghqan qar sewebidin, hetta bezi taghliq rayonlardiki qarning qélinlighi bir métirdin éship ketken. Bu ottura asiya bilen rusiye chégrisidiki 20 yildin buyanqi eng nachar hawa hésablinidiken.

Bu qétim altay rayonida témpiratora eng töwenligende nöldin töwen 43 giradosqa chüshüp qalghan. Nöwette munasiwetlik orunlar charwichilarni orunlashturush we charwa-mallarni qutquzush ishlirini élip barmaqta. Shinxu'a agéntliqi xitay hökümitining bu apet üchün 3 milyon 800 ming yüen ajratqanliqini xewer qildi.

Qishta Uyghur élide qar apiti pat-pat körilidighan bolup, 2001 ‏- yili bu yerde yüz bergen qar apitide texminen 130 ming tuyaq charwa-mal ölüp qalghan idi. Shundaqla nechche yüzge yéqin kishide oxshimighan derijide üshshüp qélish alamiti körülüp, hetta bezilirining tonglap qalghan barmaqlirini késiwétishke toghra kelgen. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet