Алтайдики қар апитидә нурғун чарва маллири өлди


2006-02-26
Share

Уйғур елиниң алтай вилайитидә бир айдин буян уда йеғиватқан қар сәвәбидин, бу йәрдики чарвичилиқ районлириниң йәм-хәшәклири йетишмәй қалған һәмдә бу, зор түркүмдики чарва маллириниң ачлиқтин өлүп кетиш әһвалини кәлтүрүп чиқарған.

Хитай хәвәр ториниң мәлуматиға қариғанда, алтай вилайитидики қар апитигә еғир учриған районлар көктоқай вә чиңгил наһийиси әтраплири болуп, бу районларда нурғун чарва маллири бар болғачқа, йәм-хәшәкләрниң йетишмәслики һазир буйәрдә чоң бир мәсилә болмақта.

Хәвәрдә көрситилишичә, көктоқай наһийисидила 120 миң туяқтин көп чарва маллири, йәрләр қар билән қаплинип кәткәнликтин озуқлинишқа амалсиз қалған. Чиңгил наһийилик чарвичилиқ назаритиниң назири җананурниң билдүришичә, пүтүн наһийидә сақлиниватқан запас йәм-хәшәкләр аран 3‏- айниң 15‏- күнигичә йетидиған болуп, әгәр буниңға җиддий тәдбир қоллунилмиса, у чағда йәнә нурғун түркүмдики чарва маллири ачлиқтин өлүп кетиши мумкин икән.

Алтай вилайитидики қар апити сәвәбидин йәнә, алтай шәһири һәмдә көктоқай вә чиңгил наһийилиридики чарвичи аһалиләрму башқа районларға йөткәлгән. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт