Altaydiki qar apitide nurghun charwa malliri öldi


2006-02-26
Share

Uyghur élining altay wilayitide bir aydin buyan uda yéghiwatqan qar sewebidin, bu yerdiki charwichiliq rayonlirining yem-xeshekliri yétishmey qalghan hemde bu, zor türkümdiki charwa mallirining achliqtin ölüp kétish ehwalini keltürüp chiqarghan.

Xitay xewer torining melumatigha qarighanda, altay wilayitidiki qar apitige éghir uchrighan rayonlar köktoqay we chinggil nahiyisi etrapliri bolup, bu rayonlarda nurghun charwa malliri bar bolghachqa, yem-xesheklerning yétishmesliki hazir buyerde chong bir mesile bolmaqta.

Xewerde körsitilishiche, köktoqay nahiyisidila 120 ming tuyaqtin köp charwa malliri, yerler qar bilen qaplinip ketkenliktin ozuqlinishqa amalsiz qalghan. Chinggil nahiyilik charwichiliq nazaritining naziri jananurning bildürishiche, pütün nahiyide saqliniwatqan zapas yem-xeshekler aran 3‏- ayning 15‏- künigiche yétidighan bolup, eger buninggha jiddiy tedbir qollunilmisa, u chaghda yene nurghun türkümdiki charwa malliri achliqtin ölüp kétishi mumkin iken.

Altay wilayitidiki qar apiti sewebidin yene, altay shehiri hemde köktoqay we chinggil nahiyiliridiki charwichi ahalilermu bashqa rayonlargha yötkelgen. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet