Хитайда қар апти


2008.01.26

Хитайниң мәркизи вә шәрқий районлирида қаттиқ қар йеғиши вә начар һава шәртлири түпәйлидин, шәнбә күни қатнаш асасән тохтиған болуп, чаған һарписида йолға чиққан он миңлиған киши йолда қалған.

Хитай ахбарат васитилириниң хәвәр қилишичә, бу қетимқи қар йеғиши нурғунлиған өйләрниң өрүлүп чүшүшигә вә зираәт мәһсулатлириниң бузулушиға сәвәб болған болуп, мәйданға кәлгән иқтисадий зиян 6 милярд 230 милйон йүәнгә йәткән. Һәмдә начар һава түпәйлидин йүзбәргән машина һадисилиридә онлиған адәм өлгән.

Шинхуа агентлиқиниң хәвәр қилишичә, шәнбә күни бейҗиң- гуваңҗу пойиз йоли үстидики пойиз истансилирида қалған йолочилар сани 40 миңдин ашқан. Әнхуй өлкисидә болса, һөкүмәт 12 миң кишини қар сәвәбидин хәтәрлик районлардин башқа җайларға йөткигән. Бейҗиң билән гуаңдоң өлкиси оттурисидики таш йолда қатнаш тохтиғанлиқи түпәйлидин 60 миң киши йолда қалған.

Хәвәрдә ейтилишичә, һөкүмәт шаңхәй қатарлиқ чоң шәһәрләрдә, йемәкликләрниң нәрқиниң өрләп кетишиниң алдини елиш үчүн җиддий тәдбир елишқа башлиған.

Хәвәрләргә қариғанда, хитай һөкүмәт даирилири, өткән йили 4.8 Пирсәнткә йәткән пул пахаллиқиниң бу йил қар вә начар һава шәртлири сәвәбидин техиму өрләп кетишидин әндишә қилмақта. (Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.